Bibliotheca Digitalis Guelferbytana

Antiquorum librorum exemplaria, quae in Bibliotheca Augusta asservantur, aut ad studium litterarum imprimis pertinentia aut rarissima aut praecipua aut frequentiora, in Bibliotheca Digitali ad usum publicum in interrete praebentur. Omnes libri digitalisati inveniri possunt non solum in Bibliotheca Digitali, sed etiam in catalogo electronico, dummodo libri monographici sint. Modo investigandi (sub voce Suchoptionen ad Online Ressourcen, ut dicitur) reducto opera digitalisata separatim inquiri possunt.

Si libri locupletius, quam in catalogo fieri solet, describuntur, thesaurus electronicus, notarum elenchus omnes libros digitalisatos complectens, annotationes bibliographicae praebentur nec non ratio artis a nobis ad digitalisandum adhibita redditur. Lectoribus opportunitatem seipsos melius instruendi et facilius investigandi dare in animo habemus.