Adventus vester
In Bibliotheca Augusta non solum medium et recentius aevum investigatur, sed etiam monumenta utriusque aevi et collectiones in museo publico curioso vivide exhibentur. Museum et in Bibliotheca Augusta et in domo Lessingiana collocatum est. Quomodo ad nos pervenias et ubi pernoctes, vide hic. Bibliothecae aditus membris captis idonei hic describuntur. Quanto ingressus et ductio constet, hic inspici potest. Annuntia apud info@hab.de, an ductionem desideres.
Quando museum publico aperta sit
| Museum in Bibliotheca Augusta situm | dies Martis - dies Solis, hora 11 - 17 |
|
Museum in domo Lessingiana situm |
dies Martis - dies Solis, hora 11 - 17 |
respice, quaesumus, repentinas mutationes.
Bibliotheca Augusta
Expositionibus variis res gestae et litterae medii et recentioris aevi inspici possunt. Aula Augusta oculos ingredientis splendore collectionum ducalium pascit. Rota librorum et catalogus ab Augusto propria manu conscriptus ante oculos ponunt, quomodo dux collectiones suas composuerit. In thesauro superiore, qui etiam publico patet, varia bibliothecae cimelia vicissim exhibuntur, interdum etiam evangeliarium Henrici Leonis anno 1188 exaratum, quod maximi pretii habetur (vide expositiones). Per thesaurum inferiorem, ubi libri antiqui exponuntur, sinistrorsum aulam globorum consequeris, quae nomen a globis terrenis coelestibusque saeculo XVI et XVII confectis accepit. Nonnulla etiam exemplaria pretiosa ex collectione mapparum desumpta hîc inspici licet. Dextrorsum autem aulam librorum picturatorum intras, quae libris modernis et contemporaneis dedicata est. Aula minor adiciens continet collectionem Hermanni Zapf, qui litteras perpulchras adumbravit.
Antequam abis, noli tabernam in vestibulo praeterire, ubi catalogi expositionum vel chartae postales rerum illustrium expositarum veneunt.
Domus Lessingiana
In Museo domus Lessingianae de Lessingo (1749-1781) Guelferbyti morante (1770-1781) narratur. Vita, acta, opera eius hic illustrantur. Cum Carolus I. dux Brunsvicensis et Luneburgensis anno 1770 Lessingum ad Guelferbytum arcesseret, poeta, criticus, scaenicus, vir doctus celeberrimus iam fuit. Guelferbyti Lessing tragoediam civilem, quae "Emilia Galotti" inscribitur, absolvit. Lessing commentaria periodica "Zur Geschichte und Litteratur. Aus den Schätzen der Herzoglichen Bibliothek zu Wolfenbüttel" appellata ab anno 1773 publici iuris fecit, ut bibliothecae famam bonam augeret. Hieme una cum uxore Eva König gravida domicilium in domo Lessingiana constituit. Die natali Domini anno 1777 filius iis natus est, qui paulo post mortuus est. Brevi spatio interiecto Eva Lessing die 10. Januarii anno 1778 obiit. Posthac Lessing in cubiculo, ubi uxor amiserat, litteris studuit. Hîc fabulam praeclaram "Nathan der Weise" conscripsit.
Bibliothecae campus
Bibliothecae campum [mappa] perambulans commorationem tuam perficis. Visu dignae sunt partes exteriores et aula armamentarii, anno 1618 exstructi, ubi nunc bibliotheca moderna et catalogi collocati sunt.
